02 جولائی ، 2016
اوباما انتظامیہ نے 2009 سے 2015 کے درمیان پاکستان سمیت دیگر ممالک میں امریکی حملوں میں مارے جانے والے افراد کی تعداد جاری کی ہے ۔
رپورٹ کے مطابق اس دوران مختلف حملوں میں 2600سے زائد افراد مارے گئے ہیں ۔یہ بات ڈائریکٹر آف نیشنل انٹیلی جنس نے اپنی ایک رپورٹ میں بتائی ۔
رپورٹ کے مطابق اس عرصے کے دوران مرنے والے افراد میں 116 عام شہری افراد جبکہ 2 ہزار 581جنگجو تھے جو امریکی لڑاکا طیاروں کی بمباری یا میزائل میں مارے گئے جبکہ صرف ڈرون حملوں میں مارے جانےو الےعام شہریوں کی تعداد 64 ہے ۔
رپورٹ کے مطابق گزشتہ 6برسوں کے دوران دہشت گردی کے خلاف جنگ کے سلسلے میں 473 حملے کیے گئے ۔ یہ حملے پاکستان کے علاوہ لیبیا، عراق، شام ، یمن، صومالیا اور افغانستان میں کیے گئے ۔