پاکستان
23 جولائی ، 2016

شادی سے پہلے خون کا ٹیسٹ ، بل سینیٹ میں پیش کیا جائے گا

شادی سے پہلے خون کا ٹیسٹ ، بل سینیٹ میں پیش کیا جائے گا

 


موروثیخون کے امراض اور پیدائشی نقائص کو روکنے کے لیے شادی سے پہلے خون کی اسکریننگ کا بل پیر کو سینیٹ اجلاس میں پیش کیا جائے گا۔


مسلم لیگ ن کے سینیٹر چویدری تنویرکے فیملی قانون کے ترمیمی بل میں مسلم خاندانی قوانین آرڈیننس، عیسائی شادی ایکٹ، پارسی شادی اور طلاق ایکٹ اور خصوصی شادی ایکٹ میں ترمیم تجویز کی ہے۔


مجوزہ بل کے مطابق شادی سے پہلے خون اسکریننگ ٹیسٹ لازم ہو گی،جوڑے کے خون کی اسکرینگ کی ٹیسٹ رپورٹ کے بغیر شادی انجام نہیں پا سکے گی، جوڑے کو مجاز میڈیکل افسر، یا اسپتال کا میڈیکل سرٹیفکیٹ پیش کرنا ہو گا۔


بل میں کہا گیا ہے کہ نکاح رجسٹرار ،مجاز میڈیکل آفیسر کی جانب سے جاری میڈیکل سرٹیفکیٹ پیش ہونے کے بعدشادی کا اندراج کرے گا، فیملی کورٹ کی طرف سے تصدیق کے بغیر نکاح سرٹیفکیٹ درست نہیں ہو گا۔

مزید خبریں :