سابق آسٹریلوی فاسٹ بالر بریٹ لی کرکٹ کے میدان میں تو اکثر کرکٹرز کو اپنی فاسٹ بالنگ کا نشانہ بنا چکے تاہم اب وہ بولی وڈ میں انٹری دینے کیلئے تیار ہیں جنہوں نے اپنی پہلی فلم’اَن انڈین‘ کی اسکریننگ کے دوران اداکار شاہ رخ خان کو مدعو کرنے کی خواہش کا اظہار کیا ہے۔

آسٹریلوی نژاد ہدایتکار انوپم چوپڑا کی اس رومینٹک ڈرامہ فلم میں بریٹ لی مرکزی کردار میں دکھائی دینگے جبکہ فلم کی دیگر کاسٹ میں اداکارہ تنشتھا چترجی، گلشن گروور اور سپریا پاٹھک بھی شامل ہیں۔ فلم 5 اگست کو ریلیز کی جائے گی۔

بریٹ لی اپنی فلم کی اسکریننگ میں شاہ رُخ خان کے علاوہ بھارتی وزیر اعظم نریندر مودی اور سابق بھارتی کھلاڑی سچن ٹنڈولکر کو بھی مدعو کرنے کے خواہش مند ہیں۔