افغان دارالحکومت کابل کے مرکز میں واقع امریکن یونیورسٹی پر حملے میں 13 افراد ہلاک اور44زخمی ہوگئے،دو حملہ آور بھی مارے گئے۔

افغان اور غیر ملکی میڈیا کا کہنا ہے کہ حملہ گزشتہ روز شام کو دھماکوں اور فائرنگ سے شروع ہوا ۔ حملہ آوروں کے خلاف سیکورٹی فورسزکا آپریشن 10گھنٹے جاری رہا۔

مارے جانے والے افراد میں 7طلبہ، 2سیکورٹی گارڈ اور3پولیس اہلکار شامل ہیں ، حملے میں 44 افراد زخمی ہوئے جن میں 35 طالب علم ہیں ۔

پولیس کا کہنا ہے کہ کلیئرنس آپریشن کےدوران 2 مشتبہ مسلح افرادہلاک کردیئے گئے۔