وزیراعلیٰ پنجاب شہباز شریف نے ترک وزیراعظم سے ملاقات کی ہے،وزیراعلیٰ نے ترک سرمایہ کاروں اور بزنس ہاؤسز کے سربراہوں سے بھی ملاقات کی ۔

ترک وزیر اعظم یلدرم نے پاکستان میں جمہوریت کے تسلسل کو سراہا۔ ملاقات میں وزیراعلیٰ پنجاب شہبازشریف کا کہنا تھا کہ آج پاکستان پہلے سے کہیں زیادہ محفوظ اور پُرامن ہے جبکہ معیشت میں بہتری آئی ہے ۔

استنبول میں ترک سرمایہ کارو ں اور بزنس ہاؤسز کے سربراہوں سے ملاقات میں وزیراعلیٰ پنجاب کاکہناہےکہ پاکستانی معیشت میں بے پناہ بہتری آئی ہے، ترک سرمایہ کاروں کےلئےنادر موقع ہےکہ وہ پاکستان خصوصاً پنجاب میں سرمایہ کاری کےمواقع سمیٹ لیں۔

وزیراعلیٰ پنجاب نےبتایاکہ غیرملکی سرمایہ کاروں کو خصوصی مراعات اور سہولتیں دی جا رہی ہیںاور توانائی بحران پرقابو پانےکیلئےبھرپورکوششیں کی جا رہی ہیں ، 2017ء کے آخر تک بڑی حدتک توانائی بحران پرقابو پالیاجائےگا۔آج کا پاکستان ماضی سے کہیں زیادہ محفوظ اور پُرامن ہے۔

شہبازشریف کاکہناتھا کہ پاکستان خصوصاً پنجاب سرمایہ کاروں کیلئے بے پناہ مواقع رکھتا ہے، ترک بھائیوں کی سرمایہ کاری کاکھلے دل سےخیرمقدم کریں گے۔