پاکستان
28 اگست ، 2016

لاتعلقی کافی نہیں ،متحدہ کے ارکان اسمبلی مستعفی ہوں،نعیم الحق

لاتعلقی کافی نہیں ،متحدہ کے ارکان اسمبلی مستعفی ہوں،نعیم الحق

تحریک انصاف کے سیکریٹری اطلاعات نعیم الحق نے کہا ہے کہ فاروق ستار اور ان کے ساتھی اسمبلیوں سے فوری مستعفی ہوں، ان کا الطاف حسین سے محض اظہار لاتعلقی کافی نہیں۔

ایک بیان میں نعیم الحق کا کہنا تھا کہ فاروق ستار سمیت متحدہ قومی موومنٹ کو 2013 ءمیں الطاف حسین کا مینڈیٹ میسر آیا، فاروق ستار اور متحدہ کے اراکین اسمبلیوں میں الطاف حسین کی نمائندگی کرتے تھے،اگروہ واقعی بانی قائدسے فاصلہ اختیار کرچکے ہیں تو ازسرنو عوام سے رجوع کریں۔

ان کا کہناتھاکہ ایم کیو ایم پاکستان اسمبلیوں سے مستعفی ہو کر نئے سرے سے الیکشن لڑے، محض نمائشی اظہار لاتعلقی سے عوام کو گمراہ کرنے کی کوئی کوشش کامیاب نہیں ہو گی۔

انہوں نے کہا کہ اگر متحدہ رہنما مستعفی نہیں ہوتے تو سمجھیں گے کہ پس منظر میں بانی متحدہ سے روابط برقرار ہیں۔

 

مزید خبریں :