ایم کیو ایم پاکستان کے راہنما داکٹر فاروق ستار نے ایک مرتبہ پھر مطالبہ کیا ہے کہ ہمیں سیاسی سرگرمیوں سے نہ روکا جائے ،نائن زیرو فوری طور پر کھولا جائے۔

کراچی میں ایم کیو ایم کے اجلاس کے بعد فاروق ستار نے صحافیوں کو بریفنگ دی ، اس موقع پر گفتگو میں ان کا کہنا ہے کہ ہم نے اپنا عارضی مرکز پی آئی بی کالونی میں ہی بنالیا ہے،میرے گھر کے ساتھ کچھ پڑوسیوں نے بھی اپنے گھر دے دیئے ہیں، کارکنان پریشان تھے ہم نے راستہ تلاش کیا ہے ۔

ڈاکٹر فاروق ستار کا کہنا تھا کہ ایک شخص کے بیان دینے سے کچھ نہیں ہوتا، ہم اپنی 38 سال کی محنت ضائع نہیں ہونے دیں گے، ہمارا آج بھی مطالبہ ہے نائن زیرو فورا کھولا جائے ۔

فاروق ستارنے کہا ہے کہ آج ہم نے کئی شعبوں کی میٹنگ کی ہیں ، اب پیہہ الٹا چلے گا اور ایم کیو ایم چھوڑ کر جانے والے واپس ایم کیو ایم میں آئیں گے۔