پریشان اور مایوس کن کارکردگی کے بعد انگلینڈ کے خلاف سیریز بچانے کے لئے گرین شرٹس کے پاس اب آخری چانس ناٹنگھم کا میدان بچا ہے ۔ راولپنڈی ایکسپریس نے بھی ٹیم میں تبدیلیوں کا مشورہ دے دیا کہ سیریز بچانی ہے ،تو جان لڑانی ہے۔

پہلے دو ون ڈے میچز میں شکست کے بعد اب پاکستان کے پاس آخری موقع ہے ، ناٹنگھم میں انگلینڈ اور پاکستان کے درمیان تیسرے ون ڈے کا میدان کل سجے گا ۔

انگلینڈ سے مسلسل دو میچز میں ہارنے کے بعد ٹیم کی رینکنگ اور کھلاڑیوں کی کارکردگی پر سوالات اٹھنے لگے ہیں،پہلے سوئنگ کے سلطان وسیم اکرم نے ٹیم میں تبدیلیوں کا مشورہ دیا۔

اور اب راولپنڈی ایکسپریس شعیب اختر نے بھی خدشہ ظاہر کردیا کہ کہیں پاکستان کو ورلڈ کپ کے لئے کوالیفائنگ راؤنڈ نہ کھیلنا پڑ جائے ۔