عارف عالم ....حب کے علاقے کنراج میں دھودھر پروجیکٹ میں پھنسے 2چینی انجینئرز اور محنت کش کو اب تک نہیں نکالا جاسکا۔ ہفتہ کی صبح10بجے کان کنی کے دوران لفٹ کی چین ٹوٹنے کے باعث حادثہ پیش آیاتھا۔

پروجیکٹ انتظامیہ کےمطابق ایف سی اور لیویز فورس کی امدادی ٹیمیں کان میں چار سو فٹ تک پہنچ چکےہیں ۔ کان میں پھنسے ہوئے2 چینی انجینئرز اور ایک محنت کش سات سو فٹ نیچے پھنسے ہوئے ہیں ۔

پھنسے افراد تک پہنچنے کے لئے امدادی ٹیموں کو مزید تین سو فٹ کا فاصلہ طے کرنا ہے، تاہم اندھیرے کی وجہ سے امدادی کارروائیاں صبح تک روک دی گئی ہیں ۔

دھودھر پروجیکٹ میں کان سے زنک اور دیگر معدنیات کی تلاش کا کام کیا جارہا ہے ۔