پاکستان کرکٹ بورڈ کی ایگزیکٹو کمیٹی کے چیئرمین نجم سیٹھی کا کہنا ہے کہ شاہد آفریدی کو اچھے انداز میں الوداع کرنا چاہتے ہیں، معاملات طے کرنے کے لیئے 26 ستمبر کی میٹنگ شاہد آفریدی کی مصروفیت کی وجہ سے منسوخ ہوئی ۔

جیو نیوز سے گفتگو میں پی سی بی ایگزیکٹو کمیٹی کے چیئرمین نجم سیٹھی نے کہا کہ شاہد آفریدی کے ساتھ معاملات طے کرنے لیئے 26 ستمبر کی میٹنگ کے منتظر تھے ،شاہد آفریدی نے میٹنگ ملتوی کر دی۔

نجم سیٹھی کا کہنا ہے کہ ہم اب بھی شاہد آفریدی کے منتظر ہیں ، ان کے پاس جب بھی وقت ہو وہ ہمیں تاریخ بتا دیں، ہم ان کے ساتھ بات چیت کر لیں گے ۔انہوں نے کہا کہ شاہد آفریدی کو اچھے انداز میں الوداع کہیں گے وہ اس کے حقدار ہیں ۔