وزیر تعلیم پنجاب رانا مشہود کا تحریک انصاف کے مجوزہ دھرنے پر تنقید کرتے ہوئے کہنا ہے کہ 2014 ءکی طرح ایک بار پھر ڈراما رچایا جا رہا ہے، اس وقت جھوٹ بولنے والوں نے معافی تک نہیں مانگی تھی، ریاست کےاداروں کو بند کرنا آئین کی صریحاً خلاف ورزی ہے ۔

انہوں نے مزید کہا کہ عمران خان کا صرف ایک مقصد ہےکہ وہ وزیراعظم بن جائیں، وہ پہلے بھی ناکام ہوئے تھے، آج بھی ناکام ہوں گے۔

رانا مشہود کا مزید کہنا ہے کہ سی پیک کی ایک تکلیف بھارت کو اوردوسری تکلیف عمران خان کو ہے، شہریوں کی جان،مال اورکاروبار کا تحفظ حکومت کی ذمےداری ہے،ریاست کے خلاف کام کرنے والوں کے خلاف ریاستی ادارے حرکت میں آئیں گے۔