وزیراعلیٰ پنجاب شہبازشریف نے کہا ہے کہ شکست خوردہ عناصر پے درپے ناکامیوں پر بوکھلاہٹ کا شکار ہیں اور غیرجمہوری اقدام کے درپے ہیں۔

وزیر اعلیٰ پنجاب میاں محمد شہباز شریف کی طرف سے جاری بیان میں کہا گیا ہے کہ شہروں کو بند کرنے والے ترقی کے سفرکو روکنا چاہتے ہیں۔

انہوں نے مزید کہا کہ ایسے عناصر کو ملکی ترقی اور عوامی مسائل سے کوئی سروکار نہیں، عالمی سطح پر جگ ہنسائی ہی ترقی کے دشمنوں کا اصل ایجنڈا ہے،تبدیلی کی باتیں کرنے والوں نے منفی سیاست کے سوا کچھ نہیں کیا ۔