اسپین میں جانوروں کو پاک اور صحتمند کرنے والے مذہبی تہوار فیسٹیول آف لائٹس پر جانوروں کے حقوق کی تنظیموں نے شدید تنقید کرتے ہوئے اسے غیرمنطقی اور جانوروں پر ظلم قرار دیا ہے۔

اسپین کے ایک گاؤں میں5 سو سال سے ہر موسم سرما میں رومن کیتھولک کا یہ مذہبی تہوار منایا جاتا ہے جس میں گاؤں کے افراد گھوڑوں پر بیٹھ کر انہیں آگ کے جلتے ہوئے الاؤ سے گزارتے ہیں۔

گاؤں کے لوگوں کو ماننا ہے کہ ایسا کرنے سے جانور بری روحوں سے پاک ہوتے ہیں اور ان کو صحت ملتی ہے۔

جانوروں کے حقوق کی تنظیم کے احتجاج پر مقامی حکام کا کہنا ہے کہ مذہبی تہوارمیں تنقید کا کسی کو حق نہیں، اس تہوار میں گھوڑوں کو کوئی نقصان نہیں پہنچتا۔