<p><span style="font-size: 14pt;"></span>پاکستان سپر لیگ میں آج دو میچز کھیلے جائیں گے ، پشاور زلمی کا مقابلہ کوئٹہ گلیڈی ایٹرز سے ہوگا تو دوسرے میچ میں کراچی کنگز اور اسلام آباد یونائیٹڈ کی ٹیمیں آمنے سامنے ہوں گی ۔</p> <p>شارجہ میں آج پہلے پشاور زلمی اور کوئٹہ گلیڈی ایٹرز کے درمیان مقابلہ ہوگا ، دونوں ہی ٹیمیں تین تین میچز کھیل چکی ہیں ، دو میں کامیابی ایک میں شکست ہوئی ہے۔</p> <p>لیکن رن ریٹ کے اعتبار سے پشاور زلمی کو برتری حاصل ہے، میچ پاکستان وقت کے مطابق شام ساڑھے چار بجے شروع ہوگا۔</p> <p>دن کے دوسرے میچ میں کراچی کنگز آج اسلام آباد یونائیٹڈ سے مقابلہ کرے گی ۔</p> <p>اسلام آباد کے بھی تین میچز کے بعد چار پوائنٹس ہیں لیکن کراچی کنگز اب تک فتح کےلیے ترس رہی ہے ، دن کا دوسرا میچ رات نوبجے شروع ہوگا۔</p> <p>جیوسوپر ایونٹ کے تمام میچز براہ راست نشر کر رہا ہے۔</p> <p> </p> <p> </p>