Can't connect right now! retry
Advertisement

دنیا
20 مارچ ، 2017

پیرس حملہ آور منشیات اور شراب کے نشے میں تھا

پیرس حملہ آور منشیات اور شراب کے نشے میں تھا

پیرس کےاورلی ایئرپورٹ پرفوجی کی بندوق چھیننے کی کوشش میں مارا گیا زید بن بلقاسم اس وقت منشیات اور شراب کے نشے میں تھا۔

غیر ملکی خبر ایجنسی نے فرانسیسی جوڈیشل ذرائع کے حوالے سے خبر دی ہے کہ زید بن بلقاسم ہفتے کے روز نشے میں تھا۔ زید بن بلقاسم کی پوسٹ مارٹم رپورٹ آ گئی ہے،جس میں انکشاف ہوا ہے کہ زید بن بلقاسم کے خون میں شراب اور کوکین پائی گئی۔

اس سے پہلے زید کے والد نے بھی کہا تھا کہ ان کا بیٹا دہشت گرد نہیں تھا بلکہ وہ نشے میں تھا ۔

زید کے والد کا کہنا تھا کہ ان کا بیٹا اس سے قبل چوری کے جرم میں جیل جاچکا تھا تاہم وہ دہشت گرد ہرگز نہیں تھا ۔ اس دن بھی وہ نشے اور منشیات کے زیر اثر تھا ۔

اس سے پہلے پراسیکیوٹرکاکہناہےکہ ملزم نے نعرہ لگایا تھا کہ وہ اللہ کی راہ میں جان دے گا۔

تیونس سےتعلق رکھنےوالے زید کے والد، بھائی اور کزن کو ہفتے کے روز پوچھ گچھ کے لیے حراست میں لیا گیا تھا ۔تاہم بعد میں تینوں کو رہا کر دیا گیا ۔

 

Advertisement