دہلی ایئرپورٹ پر ہندو انتہا پسند جماعت شیو سینا کے رکن پارلیمنٹ نے غنڈہ گردی کرتے ہوئے ایئر لائن کے 60سالہ رکن کو چپل سے مارا ۔

بھارتی میڈیا کے مطابق شیو سینا کے ایم این اے رویندرا گائیکواڈ نے ایئر لائن کے عملے پر بزنس کلاس نہ ملنے پر تشدد کیا،جس پر بھارتی ایئرلائن نے انہیں بلیک لسٹ کردیا ہے۔

دہلی پولیس نے ایم این اے خلاف تشدد اور پرواز میں تاخیر کے دو مقدمات درج کرلئے ہیں۔

اس حوالے سے رویندرا گائیکواڈ نے دھمکی دی ہے کہ دہلی پولیس میں ہمت ہے تو مجھے گرفتار کر لے۔