پاکستان
27 مارچ ، 2017
27 مارچ ، 2017 
شوباز وزیراعلیٰ نہیں کہ ہر منصوبے پر اپنی تصویر لگائوں،پرویز خٹک
27 مارچ ، 2017
وزیراعلیٰ خیبرپختونخوا پرویز خٹک نے کہا ہے کہ ہم سیاست میں مال بنانے نہیں خدمت کےجذبے سے آئے ہیں،شو باز وزیراعلیٰ کی طرح نہیں کہ ہر منصوبے پر اپنی تصویر لگائوں۔
میڈیا سے گفتگو میں پرویز خٹک نے سوال کیا کہ کیا ملک اس لیے بنا ہے کہ عوام کے لیے کچھ نہ کیا جائے ، انتخاب کے وقت بھڑکیں ماری جائیں؟
انہوں نے وفاقی حکومت سے میٹرو بس سروس کے لئے ریلوے کی زمین نہ دینے کا شکوہ بھی کیا اور کہا کہ ہم میٹرو بس سروس 6ماہ میں مکمل کریں گے۔
وزیراعلیٰ خیبرپختونخوا نے کہا کہ پچھلی حکومتوں کو پولیس، اسپتال اور اسکولوں کو ٹھیک کرنے کا خیال نہ آیا، ہم سیاست میں خدمت کرنے آئے ہیں مال بنانے نہیں۔
