سابق صدر اور پاکستان پیپلز پارٹی کے شریک چیئرمین آصف زرداری نے نون لیگ اور تحریک انصاف سے دو دو ہاتھ کرنے کا اعلان کردیا۔

انہوں نے پنجاب میں سیاسی سرگرمیاں تیز کرتے ہوئے کہا ہے کہ اینٹ کا جواب پتھر سے دیا جائے گا، جو بھی پارٹی پر حملہ کرے گا اس کا مقابلہ کیا جائے گا، کارکن اور لیڈر جواب دینے کے لیے تیار رہیں۔

آصف علی زرداری نے کارکنوں کو چکری میں جلسے کی تیاری کی ہدایت دیتے ہوئے کہا کہ بلاول با اختیار ہیں ان کا جوش اور میرا تجربہ پارٹی کی طاقت بنے گا،پی ٹی آئی اور ن لیگ کا جارحانہ مقابلہ کیا جائے گا ۔