وفاقی وزیر داخلہ چوہدری نثار نے وزارت داخلہ حکام کو ہدایت دی ہے کہ غیرملکیوں کی ملک میں آمد ورفت اور قیام پر نظر رکھی جائے، ان قوانین کا اطلاق بلاتفریق و امتیاز یقینی بنایا جائے۔

اسلام آباد میں وزیر داخلہ چوہدری نثار کی زیر صدارت اجلاس ہواجس میں انہوں نے مختلف ہدایت جاری کیں۔

اجلاس میں پاکستانی ویزے کے اجراء میں شفافیت کو یقینی بنانے کی غرض سے فیصلےکیے گئے کہ نامکمل کوائف پر نہ ہی ویزا جاری کیا جائے اور نہ ہی نامکمل کوائف کے ساتھ غیرملکیوں کو آنے کی اجازت دی جائے۔

وزیر داخلہ چوہدری نثار نے ہدایت کی کہ پاکستانی سفارتخانے ویزا جاری کرنے والے افسرکا ریکارڈ اور ایک ہفتہ قبل غیرملکی وفودکی آمد اور سرگرمیوں کی تفصیلات فراہم کریں۔