شہر شہر
20 اپریل ، 2017

پشاور: پولیس کی کارروائی میں اشتہاری ملزم ہلاک، اہلکار شہید

پشاور: پولیس کی کارروائی میں اشتہاری ملزم ہلاک، اہلکار شہید

پشاور کے علاقے خاری قلعہ میں اشتہاری ملزمان کے خلاف کارروائی کے دوران ایک پولیس اہلکار شہید، جبکہ ایک زخمی ہوگیا۔ جوابی کارروائی میں ایک اشتہاری ملزم ہلاک ہوگیا ہے۔

پولیس کے مطابق اشتہاری ملزمان کے خلاف کارروائی تھانہ انقلاب کی حدود خاری قلعہ میں کی گئی۔ کارروائی کے دوران فائرنگ سے ایک پولیس اہلکار شاہ فیصل شہید، جبکہ اے ایس ائی علی حسین خان زخمی ہوگیا ہے۔

پولیس کے مطابق زخمی پولیس اہلکار کو لیڈی ریڈنگ اسپتال منتقل کردیا گیا، جہاں اس کی حالت خطرے سے باہر ہے۔ پولیس کے مطابق جوابی کارروائی میں ایک اشتہاری ملزم شاہ ولی مارا گیا ہے۔

مزید خبریں :