-----

تین ہزار شامیوں کو محصور شہروں سے نکال لیا گیا

Teen Hazar Shamiyon Ko Mehsoor Shehron Say Nikal Liya Gaya

شام میں حکومت اور باغیوں کے درمیان گزشتہ ہفتے ہونے والی ڈیل کے تحت لوگوں کے ایک نئے گروپ کو محصور شامی شہروں سے نکال لیا گیا ہے۔

انسانی حقوق کی صورتِ حال پر نگاہ رکھنے والی شامی تنظیم سیرین آبزرویٹری کے مطابق الفوعہ اور کفریا نامی شہروں سے تین ہزار کے قریب افراد کا انخلاء عمل میں آیا۔ ان افراد میں تقریباً سات سو مسلح عسکریت پسند بھی شامل تھے۔

گزشتہ ہفتے شمالی شام میں انخلاء کے دوران بسوں پر ہوئے ایک حملے کے نتیجے میں 112 افراد ہلاک اور درجنوں زخمی ہو گئے تھے۔