لاہور میں تیز آندھی کے دوران درخت گر نے سے ایک شخص جاں بحق اور 10 زخمی ہو گئے۔ آندھی کے بعد شہر کے کئی حصوں میں ہلکی بارش بھی ہوئی، جس سے موسم خوشگوار ہو گیا۔

ریسکیو ترجمان کے مطابق تیز آندھی کے دوران شاہدرہ میں دوائی لینے جانے والا 32 سالہ شخص درخت گرنے سے جاں بحق ہو گیا۔

شاہدرہ ٹاؤن کے ہی علاقے میں ایک گھر کی دیوار گرنے سے 9 افراد زخمی ہوگئے، جن میں سے 7 زخمیوں کو طبی امداد دے کر فارغ کر دیا گیا، جبکہ ایک زخمی عمیر کو تشویشناک حالت کے پیشِ نظر جنرل اسپتال منتقل کر دیا گیا ہے۔

ادھر کینال روڈ پربھی متعدد درخت گر گئے۔ شادمان میں درخت ٹرانسفارمر پر گرنےسےآگ بھڑک اُٹھی، جس سےعلاقے کی بجلی بندہ وگئی۔

آندھی کے بعدایئرپورٹ اور ہربنس پورہ سمیت شہر کےکئی حصوں میں ہلکی بارش بھی ہوئی، جس سے موسم خوش گوار ہو گیا ہے۔