اسلام آباد کےعلاقے سہالہ میں ڈاکوؤں نےمبینہ طور پرسڑک بند کرکے لوٹ مار کی ہے ۔ اس دوران ڈاکوؤں کی فائرنگ سے ایک شخص جاں بحق ہوگیا ۔

ریسکیو ذرائع کا کہنا ہے کہ لوٹ مار کے دوران ڈاکوؤں کی مبینہ فائرنگ سے قادر نامی شخص جاں بحق ہوا۔ واقعہ چکیاں اسٹاپ محفوظ شہید روڈ پر پیش آیا ۔

اہل علاقہ کے مطابق مقتول منڈی مویشیاں جارہا تھا کہ ڈاکوؤں کی فائرنگ سے جاں بحق ہوگیا۔ مقامی لوگوں نے کہوٹہ مین روڈ پر لاش رکھ کر احتجاج کیا اور ٹریفک بند کردی ۔

پولیس دو گھنٹے کی تاخیر سے پہنچی اور سڑک کھلوانے کے لیے مظاہرین سے مذاکرات کیے ۔ مقدمے کے اندراج کی یقین دہانی کے بعد روڈ کھول دی گئی ۔