کھیل
30 اپریل ، 2017

چیمپئنز ٹرافی :سری لنکا نے ایلن ڈونلڈ کی خدمات حاصل کرلیں

چیمپئنز ٹرافی :سری لنکا نے ایلن ڈونلڈ کی خدمات حاصل کرلیں

جنوبی افریقا کے ایلن ڈونلڈ کا شمار دنیا کے بہترین فاسٹ بولرز کی فہرست میں نمایاں دکھائی دیتا ہے،50سال کے دائیں ہاتھ کے تیز بولر نے فٹنس مسائل کے سبب 2003ءمیں ریٹائرمنٹ کا اعلان کر دیا تھا۔

ایلن ڈونلڈ ان دنوں انگلش کاونٹی کینٹ کے ساتھ بطور اسسٹنٹ کوچ خدمات سر انجام دے رہے ہیں ،البتہ کاونٹی نے اس بات پر رضامندی ظاہر کی ہے کہ وہ 2 ماہ کے لئے کرکٹ سری لنکا سے منسلک رہیں۔

سری لنکا نے ٹیسٹ میں 330 اور ون ڈے کرکٹ میں272وکٹیںحاصل کرنے والے فاسٹ بولر کی یکم جون سے انگلینڈ میں ہونے والی چیمپینز ٹرافی کے لئے خدمات حاصل کی ہیں ،وہ سری لنکن فاسٹ بولنگ کے لئے بطور مشیر خدمات انجام دیںگے۔

دوسری جانب جنوبی افریقا کے سابق فاسٹ بولر سری لنکا کے سابق ٹیسٹ فاسٹ بولرز چمندا واس ،نوان زوئیسا ،چمپکا راما نائیکے اور رویندرا پشپا کمارا کیساتھ فاسٹ بولرز کی تربیت میں بھی حصہ لیں گے،

پالا کیلے میں 9سے16مئی تک اس حوالے سے سری لنکن کرکٹ بورڈ نے ایک کیمپ لگانے کا بھی اعلان کیا ہے،جہاں ایلن ڈونلڈ باقی سری لنکن کوچز کی ہمراہ ہوں گے۔

 

مزید خبریں :