-----

پشاور: ایکسائز اہلکار کے گھر کے باہر 3دھماکے

Peshawar Excise Ahlkar Kay Ghar Kay Bahar 3 Dhamakay

پشاور کے نواحی علاقے غنی رحمان کلے میں ایکسائز اہلکار کے گھر کے باہر تین دھماکوں کے نتیجے میں گھر اور ایک گاڑی کو نقصان پہنچا ہے۔

پولیس کے مطابق دھماکوں کی وجہ بظاہر رقم کی لین دین کا تنازع لگتی ہے۔ دھماکوں سے گھر اور قریب کھڑی گاڑی کو نقصان پہنچا ہے تاہم کوئی جانی نقصان نہیں ہوا۔

بم ڈسپوزل یونٹ کا کہنا ہے کہ ایک دھماکا ٹائم ڈیوائس کا تھا۔

پولیس نے تفتیش شروع کرکے مقامی افرادکے بیانات قلمبند کر لیے ہیں۔