مئیر کراچی وسیم اختر کا کہنا ہے کہ شہری حکومت کے پاس وسائل کی کمی ہے،سندھ حکومت سے درخواست کرتا ہوں کہ محکمہ فائربریگیڈ کو خود بہتر بنائے۔

کراچی کے علاقے سائٹ ایریا میں لیبراسکوائر میں متاثرہ فیکٹری کے دورے کے موقع پر میڈیا نمائندوں سے بات کرتے ہوئے مئیر کراچی نے بتایا کہ فیکٹری مالکان نے فائر سیفٹی کے مکمل اقدامات نہیں کیے تھے جس کی وجہ سے آگ کی شدت میں اضافہ ہوا۔

آگ بجھانے کے عمل میں فوم کے ختم ہوجانے کے تاثر کو غلط قرار دیتے ہوئے مئیر کراچی نے کہا کہ ہم کو پانی اور فوم کی قلت کا سامنا نہیں ہے۔

میئرکراچی کا کہنا تھا کہ شہری حکومت کو وسائل کی کمی کا سامنا ہے۔