بانی متحدہ کے ریڈ وارنٹ کے اجراء کے لیے ایف آئی اے انٹر پول کو دستاویزات اور شواہد جمع نہیں کراسکی۔

ایف آئی اے نے انٹر پول سے 13جون تک مہلت طلب کرلی، انٹر پول نے درخواست منظور کرلی۔

ایف آئی اے نے سندھ کے محکمہ داخلہ سے رابطہ کرکے بانی متحدہ کے خلاف دستاویزات ،حلفیہ بیانات اور مقدمات کے چالان طلب کرلیے۔

ایف آئی اے نے صولت مرزا اور منہاج قاضی کا بیان اور بانی متحدہ کے دائمی وارنٹ کی تصدیق شدہ کاپی بھی مانگ لی ہے۔

ایف آئی اے کی جانب سے مقدمہ نمبر 158/97 اور 117/16 کے چالان کی کاپی بھی اردو اور انگریزی میں طلب کی گئی ہے ۔

سندھ پولیس کے حکام کے مطابق ہم ایف آئی اے کے سوالات کےجوابات تیار کر رہے ہیں۔