27 مئی ، 2017
فیصل آباد ایف آئی اے نے انسانی سمگلنگ کا غیر قانونی کاروبار کرنے والوں کے خلاف کریک ڈاؤن کیا ہے۔
ایف آئی اے نے بیرون ملک بھجوانے کا جھانسہ دیکر لاکھوں روپے ہتھیانے کے الزام میں کمپنی کے 2 ڈائریکڑوں کو گرفتار کرلیا ہے۔
ایف آئی اے کے مطابق ایک کمپنی کے گرفتار کیے جانے والے دونوں ملزمان طاہر ندیم اور طاہر عباس کے قبضہ سے 110 پاکستانی پاسپورٹ سمیت 60 فیملی سرٹیفکیٹس، چیک بکس، سی پی یو، لیپ ٹاپس ڈرائیونگ لائسنس بنانے کی مشینیں بھی بر آ مد ہوئی ہیں۔
ایف آئی اے نے ملزموں کے خلاف مقدمہ درج کرکے کارروائی شروع کردی ہے۔