برہان وانی کے ساتھی اور حریت پسند سبزر احمد بٹ کی ہلاکت کے خلاف حریت رہنما ؤں کی اپیل پر آج سے وادی میں دو روزہ ہڑتال کی جارہی ہے ،دو روز بعد سبزر احمد کو خراج تحسین پیش کرنے کیلئے ترال تک مارچ بھی کیا جائے گا۔

حریت پسند سبزر احمد بٹ کی ہلاکت پرمقبوضہ وادی میں احتجاجاً آج مکمل ہڑتال ہے،تمام دکانیں،کاروباری مراکز بند اور سڑکوں سے ٹریفک غائب ہے۔

احتجاج سے خوفزدہ قابض بھارتی انتظامیہ نے سری نگر سمیت کئی علاقوں میں کرفیو نافذ کر رکھا ہے، جب کہ حرہت رہنما سید علی گیلانی اور میر واعظ عمر فاروق کو گھروں میں نظر بند کردیا گیا ۔

وادی میں گزشتہ روز سے موبائل اور انٹرنیٹ سروس بھی معطل ہے۔