پی سی بی کے چیئرمین شہریارخان کا کہنا ہے کہ بھارت کےساتھ سیریز کھیلنے کے معاہدے پر قائم ہیں جبکہ نجم سیٹھی نے کہا ہے کہ ہمارا مطالبہ ہے بھارت ہماری تلافی کرے ۔

چیئرمین پی سی بی شہریارخان نے دبئی روانگی سے قبل لاہورایئرپورٹ پر میڈیا سے گفتگو کرتے ہوئے کہا کہ بھارت سے مطالبہ کر رہے ہیں کہ وہ پاکستان کےساتھ کرکٹ کھیلے ، بھارت نے معاہدے کے باوجود پاکستان سے کوئی میچ نہیں کھیلا جبکہ ہم معاہدے پر قائم ہیں ۔

چیئرمین پی سی بی کا کہنا تھا کہ بھارت کے انکار کی وجوہات پر آج دبئی میں انڈین کرکٹ بورڈ سے بات چیت ہوگی چیئرمین پی ایس ایل نجم سیٹھی اور سبحان احمد بھی ان کے ہمراہ ہیں ۔

نجم سیٹھی کا کہنا تھا کہ بھارتی کرکٹ بورڈ سے آج کی میٹنگ ناکام رہی تو اس کےبعد ایک اورمیٹنگ ہوگی ، ہم مطالبہ کریں گے کہ بھارت ہماری تلافی کرے۔