قطر نے کہا ہے کہ سیاسی اور سفارتی بحران کے باوجود امریکا سے تعلقات متاثر نہیں ہوں گے ۔ انہوں نے کہا کہ مسئلہ بات چیت کے ذریعے حل ہوگا۔

قطر کے وزیر خارجہ شیخ محمد بن عبد الرحمان الثانی نے ایک ٹی وی انٹرویو دیتے ہوئے بتایا کہ اس مسئلے کو حل کرنے کے لیے دیانت دارانہ اور آزادانہ مذاکرات کی ضرورت ہے۔

انہوں نے اس بات کی یقین دہانی بھی کرائی کہ قطر کی جانب اس مسئلے کو مزید بڑھانے میں کوئی کردار ادا نہیں کیا جائے گا۔

قطری وزیر خارجہ کا کہنا تھا کہ امریکا سے تعلقات کا معاملہ پیچیدہ ہے، بہت سے معاملات میں دونوں ممالک کے درمیان اختلاف ہے تاہم اس تازہ صورت حال کے باجود ان تعلقات کو نقصان نہیں پہنچے گا۔