عید کی لمبی چھٹی سے پہلے اسٹاک مارکیٹ میں خریداری کے دوران آج 100 انڈیکس 857 پوائنٹس اضافے سے 46332پر بند ہوا۔

پاکستان اسٹاک ایکسچینج میں کاروبار کا آغاز مثبت رجحان سے ہوا جو اختتام کاروبار تک برقرار رہا۔

کاروبار کے دوران 29 کروڑ شیئرز کے سودے 13 ارب روپے میں طے پائے،کاروبار کے اختتام پر مارکیٹ کیپٹلایزیشن 138 ارب روپے اضافے سے9417 رہی۔

معاشی تجزیہ نگار ذیشان افضل کے مطابق چار ہزار پوائنٹس گرنے کے بعد مارکیٹ کی ویلیوایشن بہت اچھی ہوگئی ہے،اس لئے میوچول فنڈز نے آج خریداری کی جو مارکیٹ بڑھنے کی وجہ رہی۔