عراقی شہر موصل میں جنگ کے دوران سب سے زیادہ فاصلے سے نشانہ لیکر مارنے کا اسنائپر ریکارڈ ٹوٹ گیا ہے۔

برطانوی میڈیا رپورٹ کے مطابق عراقی شہر موصل میں کینیڈین اسنائپرنے 2 میل سے زائد فاصلے سے داعش کے جنگجو کو نشانہ بنایا، نشانہ بنائے گئے داعش کے جنگجو کی ہلاکت کی تصدیق ہوچکی ہے۔

کینیڈین اسنائپر نے برطانوی اسنائپر کا ہلمند میں ایک اعشاریہ 53 میل کاریکارڈ توڑا۔

موصل میں کینیڈین اسپیشل آپریشنز کمانڈ نے اسنائپرکی داعش جنگجو کو نشانہ بنانے کی تصدیق کردی ہے۔

کینیڈین اسپیشل کمانڈ کا کہنا ہے کہ آپریشنل سکیورٹی وجوہات پر اسنائپر واقعے کی تفصیلات جاری نہیں کی جائیں گی۔