ملک کے مختلف شہروں میں سرچ آپریشن کےدوران 60 سے زائد مشتبہ افراد کو گرفتار کرکے اسلحہ برآمد کرلیا گیا۔

میانوالی کے علاقوں مکڑوال، چاپری اور پپلاں میں سرچ آپریشن کیا گیا۔ اس دوران 23 افراد کو گرفتار کرکے ان سے اسلحہ برآمد کیا گیا۔

چنیوٹ سے 25، بھکر سے 9 جبکہ وہاڑی سے4افراد کو گرفتار کرکے اسلحہ اور منشیات برآمد کیا گیا۔

بہاولپور اور منڈی بہاءالدین میں کارروائی کے دوران 6افراد کو گرفتار کرکے شراب کی500 بوتلیں برآمد کرلیں گئیں۔