ماہر قانون سینیٹر فروغ نسیم نے کہا ہے کہ جے آئی ٹی کی رپورٹ میں جو شواہد پیش کیے گئے ہیں وہ مفصل ہیں اور ان کے بعد وزیراعظم نواز شریف نااہلی سے نہیں بچ سکیں گے۔

میڈیا سے خصوصی بات چیت کرتے ہوئے انہوں نے مزید کہا کہ جے آئی ٹی کے مطابق شریف خاندان کے اعلان کردہ اثاثے اور ان کا طرز زندگی آپس میں مطابقت نہیں رکھتے۔

بیرسٹر فروغ نسیم کا یہ بھی کہنا ہے کہ وزیر اعظم میاں نواز شریف کو اس صورت حال میں استعفیٰ دے دینا چاہیے۔

ماہر قانون علی ظفر کہتے ہیں کہ جے آئی ٹی رپورٹ سے پتا چلتا ہے کہ کرپشن ثابت ہو گئی ہے اور اسی لیے جے آئی ٹی نے مقدمہ نیب کورٹ میں چلانے کی سفارش کر دی ہے۔