ایبٹ آباد میں بچے کو گدھے سے باندھ کر ہلاک کرنے والے ملزم کو 2 روز کے جسمانی ریمانڈ پر پولیس کے حوالے کردیا گیا۔

گزشتہ روز ایبٹ آباد کے تھانہ لورا کی حدود میں یہ انسانیت سوز واقعہ پیش آیا تھا جہاں زمیندار نے گدھا کھیت میں گھسنے پر اس کے ساتھ آنے والے 8 سالہ بچے مزمل کو گدھے کے ساتھ باندھ دیا تھا۔

زمیندار نے بچے کو باندھ کر گدھے کو پتھریلی زمین پر بھگایا جس کے باعث بچہ شدید زخمی ہوا اور اسی دوران ہلاک ہوگیا۔

ڈی پی او ایبٹ آباد اشفاق انور کے مطابق واقعے کے بعد ملزم کو گرفتار کرلیا گیا اور اسے آج حویلیاں کی مقامی عدالت میں پیش کیا گیا۔

پولیس نے عدالت سے ملزم کے 2 روزہ جسمانی ریمانڈ کی استدعا کی جسے عدالت نے منظور کرتے ہوئے ملزم کو پولیس کے حوالے کردیا۔