کاؤنٹر ٹیررازم ڈیپارٹمنٹ نے گجرات سے کالعدم تنظیم کے ایک دہشت گرد کو گرفتار کرنے کا دعویٰ کیا ہے۔

سی ٹی ڈی ذرائع کے مطابق خفیہ اطلاع پر پلی سیوریج ڈرین جی ٹی روڈ کے علاقے میں کارروائی کی گئی، کارروائی کے دوران کالعدم تنظیم کے دہشت گرد نذیر حسین کو گرفتار کر لیا گیا۔

سی ٹی ڈی ذرائع کے مطابق گرفتار دہشت گرد کے قبضے سے دھماکا خیز مواد اور ڈیٹونیٹرز برآمد ہوئے ہیں۔

دہشت گرد کو تفتیش کے لیے نامعلوم مقام پر منتقل کر دیا گیا ہے۔