کراچی شہر کے مختلف علاقوں میں ہلکی بارش کے ساتھ ہوا بھی چلتی رہی جس سے موسم خوشگوار ہوگیا۔

ہلکی بارش شارع فیصل، یونیورسٹی روڈ، اسٹیڈیم روڈ سمیت مختلف علاقوں میں ہوئی، بارش کے ساتھ ساتھ ٹھنڈی ٹھنڈی ہوا بھی چل رہی ہے۔

ادھر بہاول پور میں موسلا دھار بارش ہوئی، جس سے گرمی اور حبس کا زور تو ٹوٹ گیا، البتہ شہر کی سب سے بڑی سرکلر روڈ پانی پانی ہو گئی۔

بہاول وکٹوریہ اسپتال کے سامنے اور میڈیسن مارکیٹ کے سامنے بھی پانی جمع ہو گیا۔

محکمہ موسمیات نے آج سندھ، اسلام آباد، راولپنڈی، گوجرانوالہ، لاہور، فیصل آباد، ساہیوال، ملتان، بہاولپور، ڈی جی خان میں بارش کی پیش گوئی کی ہے۔

اس کے علاوہ آج ژوب، سبی، نصیرآباد، قلات، مکران، بنوں، ڈی آئی خان، مالاکنڈ، ہزارہ، پشاور، مردان، کوہاٹ ڈویژن، فاٹا، گلگت بلتستان اور کشمیر میں بھی تیز بارش ہو سکتی ہے۔