ڈسپیسیٹو گانے نے یوٹیوب پر تمام اگلے پچھلے ریکارڈز توڑ دیے جسے اب تک 4.6 بلین سے زائد مرتبہ سنا جاچکا ہے۔

گلوکار لوئس فونسی اور ڈیڈی ینکی کے گائے جانے والے گانے نے یوٹیوب پر سب سے زیادہ سنے جانے والے جسٹس بیبر کے گانے کو بھی پیچھے چھوڑ دیا۔ 

جسٹن بیبر کے 2015 میں مشہور ہونے والے گانے "سوری" کو  یوٹیوب پر 4.38 بلین صارفین نے سنا لیکن ڈسپیسیٹو نے ریلیز کے صرف چند ہفتوں میں ہی نہ صرف دنیا کے 100 مقبول ترین گانوں میں جگہ بنائی بلکہ اب اسے سب سے زیادہ سنے جانے والے گانے کا اعزاز بھی حاصل ہوگیا ہے۔

گلوکار فونسی کے مطابق یوٹیوب اور دیگر گانے کو پھیلانے والے ذرائع نے گانے کو دنیا بھر میں سننے اور مقبول کرنے میں خوب مدد کی جن کے شکر گزار ہیں۔

فونسی نے معاون گلوکار ڈیڈی ینکی کا بھی شکریہ ادا کرتے ہوئے کہا کہ ینکی نے رواں سال ہی "ایڈ شیرن" کو پیچھے چھوڑتے ہوئے پہلے لیٹینو آرٹسٹ بننے کا اعزاز حاصل کیا اور ڈسپیسیٹو گانے کا حصہ بننے پر ان کا خصوصی طور پر مشکور ہوں۔

دوسری جانب میوزک ریکارڈنگ کمپینی "یونیورسل میوزک لیٹن انٹرٹینمنٹ" کے مطابق ڈسپیسیٹو گانا حال ہی میں سب سے زیادہ پوری دنیا میں مقبول اور شہرت پانے والا گانا بن گیا ہے جسے یوٹیوب پر اب تک کسی بھی گانے کے مقابلے میں سب سے زیادہ سنا گیا ہے۔