پاکستان پیپلز پارٹی کے چیرمین بلاول بھٹو زرداری نے کہا کہ جے آئی ٹی رپورٹ نےثابت کردیا کہ شریف فیملی نے کرپشن کی ہے اور اب اعلی عدلیہ سے انصاف کی امید ہے۔

کراچی میں شاہراہ فیصل ڈرگ روڈ پر انڈرپاس کے افتتاح کے بعد تقریب سے خطاب کرتے ہوئے بلاول بھٹو نے کہا کہ آج کل پانامہ کا شور چل رہا ہے اور جے آئی ٹی رپورٹ نے ثابت کردیا ہے شریف فیملی نے کرپشن کی ہے۔

انہوں نے کہا کہ اب ہمیں بھی سپریم کورٹ کے فیصلے کا انتظار ہے اور عدالت سے انصاف کی امید ہے۔

بلاول بھٹو کا کہنا تھا کہ پیپلزپارٹی نے ہمیشہ کراچی کو اونر شپ دی ہے، شہر میں صفائی کے نظام میں بہتری آرہی ہے جب کہ ترقیاتی کاموں کا سلسلہ بھی جاری ہے۔

تقریر کے اختتام پر بلاول بھٹو زرداری نے مک گیا تیرا شو نواز، گو نواز  کے نعرے بھی لگوائے۔