پولیس نے گزشتہ روز ٹیپو ٹرکاں والا کے بیٹے کی قتل کیس میں ضمانت کی خوشی میں فائرنگ کرنے والے مرکزی ملزم کو گرفتار کرلیا۔

گزشتہ روز ٹیپو ٹرکاں والا کے بیٹے بالاج کی قتل کیس میں ضمانت کی خوشی میں اس کے ساتھیوں نے ڈیرے پر شدید ہوائی فائرنگ کی تھی جس سے شہری انتہائی خوف زدہ ہوگئے تھے۔

وزیراعلیٰ پنجاب نے واقعے کا نوٹس لیتے ہوئے پولیس حکام سے رپورٹ طلب کی تھی جس کے بعد پولیس نے فوری کارروائی کرتے ہوئے 4 ملزمان کو گرفتار کیا تھا۔

پولیس کا کہنا ہے کہ تازہ کارروائی میں مرکزی ملزم جاوید خان اور اس کا ساتھی بابری بھی پڑا گیا ہے جنہیں موچی گیٹ کے علاقے سے گرفتار کیا گیا۔

پولیس کے مطابق ٹیپو ٹرکاں والا کے بیٹے بالاج سمیت 12 ملزمان کو گرفتار کرلیا گیا ہے جن کے قبضے سے اسلحہ بھی برآمد ہوا۔