Can't connect right now! retry
Advertisement

پاکستان
12 اگست ، 2017

چین کے نائب وزیراعظم دو روزہ دورے پر کل پاکستان پہنچیں گے

چین کے نائب وزیراعظم کی سربراہی میں اعلیٰ سطح کا وفد دو روزہ دورے پر کل پاکستان پہنچے گا۔

ترجمان دفتر خارجہ کے مطابق چینی نائب وزیراعظم کی قیادت میں اعلیٰ سطح کا وفد 70 ویں یوم آزادی کی تقریب میں خصوصی شرکت کرے گا اور 14 اگست کو چینی وفد پرچم کشائی کی تقریب میں شریک ہوگا۔

ترجمان نے بتایا کہ چینی نائب وزیراعظم دورہ پاکستان میں صدرممنون حسین اور وزیر اعظم شاہد خاقان عباسی سے ملاقات کریں گے۔

ترجمان کے مطابق چینی نائب وزیراعظم سی پیک سے متعلق اہم منصوبوں کی افتتاحی تقریب میں شرکت کریں جب کہ اس دوران دونوں ممالک کے درمیان اہم معاہدوں اور ایم او یوز پر دستخط کیے جائیں گے۔

دفتر خارجہ کے مطابق چینی نائب وزیراعظم کا دورہ پاکستان دونوں ممالک کے مضبوط تعلقات کی عکاس ہے۔

Advertisement