پی سی بی دوستانہ ڈائیلاگ کو ترجیح دے، شعیب اختر

قومی ٹیم کے سابق اسپیڈ اسٹار شعیب اختر نے عمر اکمل اور ہیڈ کوچ مکی آرتھر کے درمیان تنازعے کو ٹھنڈے دماغ سے حل کرنے کا مشورہ دیا ہے۔

سابق فاسٹ بولر شعیب اختر، عمر اکمل اور پاکستانی کرکٹ ٹیم کے ہیڈ کوچ مکی آرتھر کے درمیان تنازع پر بول پڑے ہیں اور اس کے حل کے  لیےمشورے بھی دیئے ہیں۔

مکی آرتھر نے مجھے گالیاں دی ہیں، عمر اکمل

لاہور میں صحافیوں سے گفتگو کرتے ہوئے انہوں نے کہا کہ مکی آرتھر نے ان سے کہا کہ کرکٹ اکیڈمی آنے کے بجائے کلب کرکٹ کھیلو۔

شعیب اختر کا سماجی رابطے کی ویب سائٹ ٹوئٹر پر کہنا تھا کہ امید ہے عمر اکمل مکی آرتھر تنازع ٹھنڈے دماغ سے حل کیا جائے گا اور پی سی بی تحمل مزاجی کا مظاہرہ کرے گا۔

انہوں نے کہا کہ ہم سب ایک ٹیم کی طرح ہیں اور ہمیں متحد رہنا چاہے جب کہ عمر اکمل کو چاہیے کہ وہ فیلڈ میں بہترین رویہ اپنا کر ناقدین کو جواب دے اور پی سی بی بھی دوستانہ ڈائیلاگ کو ترجیح دے کیوں کہ دوستانہ ڈائیلاگ شوکاز نوٹس سے بہتر ہوتا ہے۔

مکی آرتھر پر الزامات: پی سی بی نے عمر اکمل کو شوکاز نوٹس جاری کردیا

گزشتہ روز عمر اکمل نے دعویٰ کیا تھا کہ ہیڈ کوچ مکی آرتھر نے انہیں گالیاں دیں

واضح رہے کہ 2 روز قبل عمر اکمل نے ہیڈ کوچ مکی آرتھر پر گالیاں دینے کا الزام عائد کیا تھا جسے ہیڈ کوچ نے مسترد کردیا تھا اور پی سی بی نے بھی بیسٹمین کو شوکاز نوٹس جاری کیا ہے۔