چوہدری نثار کچھ کہنا چاہتے ہیں لیکن کہہ نہیں پا رہے، شیخ رشید
20 اگست ، 2017
عوامی مسلم لیگ کے سربراہ شیخ رشید کا کہنا ہے کہ چوہدری نثار کنفیوژ ہیں کیونکہ وہ کافی عرصے سے کچھ کہنا چاہتے ہیں لیکن کچھ کہہ نہیں پا رہے۔
سابق وفاقی وزیرداخلہ چوہدری نثار علی خان کی پریس کانفرنس پر ردعمل کا اظہار کرتے ہوئے شیخ رشید کا کہنا ہے کہ چوہدری نثار کی زیادہ سے زیادہ حلقے کی سیاست پر نظر ہوتی ہے اس لئے وہ کنفیوژن کا شکار ہیں۔
شیخ رشید نے کہا کہ بہت جلد ڈان لیکس، باقر نجفی رپورٹ اور جے آئی ٹی کا والیم 10 مارکیٹ میں آجائے گا، اداروں میں سب سے زیادہ مقبول ڈان لیکس ہے اگر اس میں کچھ ہوتا تو عوام کے سامنے آجاتا۔
