دنیا
Time 03 ستمبر ، 2017

روہنگیا مسلمانوں پرمظالم کے خاتمے میں سوچی کردار اد اکریں، برطانوی وزیر خارجہ

برطانوی وزیر خارجہ بورس جانسن نے کہا کہ روہنگیا مسلمانوں پرمظالم ختم کرانے کیلے آنگ سان سوچی کرداراداکریں۔

برطانیہ کے وزیر خارجہ بورس جانسن نے میانمار میں روہنگیا مسلمانوں کے قتل عالم کی مذمت کی اور اپنے بیان میں کہا کہ روہنگیا مسلمانوں پرمظالم سے میانمار کی ساکھ کونقصان پہنچ رہا ہے۔

انہوں نے روہنگیا مسلمانوں پرمظالم ختم کرانے کے لیے امن کا نوبل انعام پانے والی خاتون رہنما آنگ سان سوچی سے کردار ادا کرنے کی اپیل کی۔

دوسری جانب برطانوی میڈیا بھی میانمار میں مسلمانوں پر مظالم کے خلاف چیخ اٹھا ہے۔ برطانوی میڈیا کے مطابق میانمار میں ایک ہفتے کی جھڑپوں میں 100 سے زائد افراد ہلاک ہوئے۔

برطانوی میڈیا نے بتایا کہ میانمار فوج اور بدھ مت انتہاپسندوں نےمسلمانوں کےکئی گاؤں نذرآتش کردیے جس کے باعث اب تک میانمار سے 58 ہزار سے زائد روہنگیا مسلمان نقل مکانی پرمجبور ہوئے ہیں۔

مزید خبریں :