ویسٹ انڈیز بورڈ کی نومبر میں ٹیم پاکستان بھیجنے کی یقین دہانی

پاکستان میں انٹرنیشنل کرکٹ کے دروازے کُھلتے چلے جارہے ہیں، ویسٹ انڈیز کرکٹ بورڈ نے نومبر میں ٹیم کو پاکستان بھیجنے کی یقین دہانی کرادی ہے۔

ویسٹ انڈیز کرکٹ بورڈ کے سربراہ ڈیو کیمرون نے چیئرمین پی سی بی نجم سیٹھی کے ہمراہ لاہور میں نیوز کانفرنس کرتے ہوئے کہا کہ وہ سیکیورٹی اور دیگر انتظامات سے مطمئن ہیں۔

چیئرمین پاکستان کرکٹ بورڈ نجم سیٹھی نے ویسٹ انڈیز کرکٹ بورڈ کے سربراہ کو پاکستان میں خوش آمدید کہتے ہوئے کہا کہ پچھلے 4برس سے ہم دوست ہیں۔

چیئرمین پی سی بی کا مزید کہنا ہے کہ سربراہ ویسٹ انڈیز کرکٹ بورڈ نے جو یہاں دیکھا اس کے بعد رضامندی ظاہر کی ہے۔