16 ستمبر ، 2017
پاکستان کی خوبصورتی اس کے ہر شہر اور علاقے سے جھلکتی ہے جب کہ حسین مناظر اور پہاڑوں کی گود میں آباد وادیٔ کالام بھی سرزمین کا خوبصورت گوشہ ہے جہاں رنگا رنگ ثقافتی میلے نے اس خوبصورت کو جگہ مزید حسین بنادیا ہے۔
پاکستان کے صوبے خیبر پختونخوا کی حسین وادی سوات کالام میں ٹورازم کارپوریشن کے زیر اہتمام 3 روزہ سیاحتی میلے کا انعقاد کیا گیا ہے جس میں موسیقی، بچوں اور بڑوں کے لئے اسٹالز مختلف کھیل اور کئی تفریحی پروگرام شامل ہیں۔
کلام ثقافتی میلے کا مقصد صوبے کی ثقافت کے رنگ، فن تعمیر اور سیاحت کی سیاحت کو نمایاں کرنا ہے۔اس میلے میں دنیا بھر کے سیاحوں نے شرکت کی اور میلے کے تمام انتظامات کو سراہا گیا۔
خیبر پختونخوا کے سیکرٹری کلچر طارق خان کا کہنا ہےکہ اس میلے سے سیاحت کو اور علاقے میں امن کو فروغ ملے گا۔
دی نیوز کی رپورٹ کے مطابق عائشہ خان نامی سیاح کا کہنا تھا کہ وادی کالام کا موسم بہت سہانا ہے، دلکش اور حیرات انگیز مناظر ٹھنڈی ہوا کے ساتھ لطف اندوز کررہے ہیں۔
کالام فیسٹول 17 ستمبر تک جاری رہے گا جس کے آخری روز عمران خان اور وزیراعلی پرویز خٹک کی آمد بھی متوقع ہے۔