لاس اینجلس اسپتال میں مریض بچوں کے لئے منی گاڑیاں متعارف

امریکا کے شہرلاس اینجلس کے ایک اسپتال میں داخل بچوں کے لئے ریمورٹ کنٹرول منی گاڑیاں متعارف کی گئی ہیں۔

 سان ڈیاگو اسپتال میں داخل بیمار بچوں کے دل سے خوف نکالنے کے لئے منی گاڑیاں متعارف کی گئی ہیں جسے بچے اسپتال کے احاطے میں چلا سکتے ہیں۔ 

بچوں کو گاڑیاں فراہم کرنے کا مقصد انہیں اسپتال کے ماحول سے ہم آہنگ رکھنے کے علاوہ ان کی دلجوئی کرنا ہے۔

مریض بچوں کی مرسیڈیز اور بی ایم ڈبلیو جیسی منی گاڑیاں سان ڈیاگو کے علاقائی قانون نافذ کرنے والی 'ٹیڈی بیئر ڈرائیو' نے بطور عطیہ دی ہیں جس سے مختلف مرض میں مبتلا بچوں کے چہروں پر مسکراہٹ بکھر گئی ہے۔

اس سے قبل یہ سرگرمی ریڈی چلڈرن اسپتال میں فراہم کی جارہی تھی جس میں نرس یا ڈاکٹر بچے کی گاڑی ریموٹ کنٹرول سے چلاتے تھے تاکہ علاج یا آپریشن سے پہلے ان کی گھبراہٹ دور کی جا سکے۔

اسپتال کی میڈیکل ڈائریکٹر ڈاکٹر ڈینیلا کا کہنا ہے کہ بچے منی گاڑی سے کافی مزہ کر رہے ہیں اور والدین انہیں دیکھ کر خوش بھی ہوجاتے ہیں۔