لندن ٹرین دھماکے کا ایک اور ملزم گرفتار، تعداد 6 ہوگئی

برطانوی پولیس نے ٹرین بم دھماکے کے الزام میں 17 سالہ نوجوان کو گرفتار کرلیا جس کے بعد گرفتار ملزمان کی تعداد 6 ہوگئی۔

15 ستمبر کو لندن کے پارسنز گرین اسٹیشن پر دھماکے کی تحقیقات کے لئے لندن پولیس کی کارروائیاں جاری ہیں جس کے دوران 17 سالہ نوجوان کو حراست میں لے لیا گیا ہے تاہم نوجوان کی شناخت فی الحال ظاہر نہیں کی گئی۔

اسکاٹ لینڈ یارڈ نے لندن ٹرین دھماکے کو دہشت گردانہ کارروائی قرار دیدیا

دھماکے کے نتیجے میں 18 افراد زخمی ہوئے جن میں بچے بھی شامل ہیں، برطانوی میڈیا

برطانوی پولیس نے 17 سالہ نوجوان کی گرفتاری کی تصدیق کرتے ہوئے بتایا ہے کہ دھماکے کی تحقیقات کے دوران حراست میں لئے گئے ملزمان کی تعداد 6 ہوگئی ہے۔

خیال رہے کہ چھ روز قبل پارسنز گرین اسٹیشن پر دھماکے کے نتیجے میں 30 افراد جھلس گئے تھے جب کہ لندن پولیس نے اسے دہشت گردی کی کارروائی قرار دیا تھا۔