سانحہ ماڈل ٹاؤن کی رپورٹ نہ ملنے پر توہین عدالت کی درخواست دائر

لاہور: پاکستان عوامی تحریک نے سانحہ ماڈل ٹاؤن کی رپورٹ نہ ملنے پر پنجاب حکومت کے خلاف توہین عدالت کی درخواست دائر کردی۔

گزشتہ روز لاہور ہائیکورٹ نے سانحہ ماڈل ٹاؤن کی رپورٹ عام کرنے کا حکم دیا تھا تاہم پنجاب حکومت کی جانب سے رپورٹ کو عام نہیں کیا گیا جب کہ رپورٹ کے حصول کے لیے کل عوامی تحریک کے کارکنان نے سول سیکریٹریٹ کے باہر دھرنا بھی دیا تھا اور خرم نواز گنڈا پور نے پنجاب حکومت کے خلاف توہین عدالت کی درخواست دائر کرنے کا اعلان کیا تھا۔

سانحہ ماڈل ٹاؤن: ورثا کا رپورٹ کے حصول کیلئے سول سیکریٹریٹ کے باہر دھرنا

ورثا نے پنجاب سول سیکریٹریٹ کے سامنے دھرنا دیا اور ایڈیشنل ہوم سیکریٹری کے اسٹاف کو درخواست دی

جیونیوز کے مطابق پاکستان عوامی تحریک کی جانب سے لاہور ہائیکورٹ میں پنجاب حکومت کے خلاف توہین عدالت کی درخواست دائر کی گئی ہے جس میں وزیراعلیٰ پنجاب شہبازشریف، وزیر قانون راناثناء اللہ اور سیکریٹری داخلہ کو فریق بنایا گیا ہے۔

درخواست میں کہا گیا ہے کہ متاثرین نے سیکریٹری داخلہ سے رابطہ کیا مگر رپورٹ نہیں دی گئی۔

واضح رہےکہ جون 2014 میں لاہور کے علاقے ماڈل ٹاؤن میں پیش آنے والے واقعے میں پاکستان عوامی تحریک کے 14 کارکنان جاں بحق ہوئے تھے جس پر جسٹس باقر نجفی کی سربراہی میں جوڈیشل کمیشن نے انکوائری کی تھی تاہم اس انکوائری رپورٹ کو عام نہیں کیا گیا۔

سانحہ ماڈل ٹاون کی عدالتی تحقیقاتی رپورٹ منظرعام پر لانے کا حکم

پنجاب حکومت کا عدالتی حکم کے خلاف انٹرا کورٹ اپیل دائر کرنے کا فیصلہ، ذرائع

سانحہ ماڈل ٹاؤن کے ملزمان کے نام ای سی ایل میں ڈالے جائیں، طاہر القادری

جسٹس باقر نجفی کی رپورٹ منظر عام پر لانےکا فیصلہ انصاف کی طرف قدم ہے، سربراہ پاکستان عوامی تحریک